Նախագծի տևողությունը՝ մարտի 2 — մարտի 13
Մասնակիցներ՝ յոթերորդ դասարանցիներ
Միասնական պարտադիր բերանացի ընթերցում
Բացատրիր բոսոր, ղողանջ, հրե, հրկեզ, գալիք բառերը:
Օրերը կարմիր ու բոսոր — նկարագրիր օրեր (ժամանակներ), որ համապատասխանեն այս արտահայտությանը:
Կարդա բանաստեղծությունն այնքան, մինչև զգաս տողերի ռիթմը: Ի՞նչ տրամադրություն կա այնտեղ:
Ստեղծագործական աշխատանք — ,,Հնչում են օրերը, կանչում են,, ,,Սիրտս զնգում է,, ,,Կրակ կա սրտիս մեջ,, (ընտրիր վերնագրերից մեկը)::
Կարդալ գարնանային երկու բանաստեղծությունները և կատարել առաջադրանքները:
*
Գիտե՞ք, որ գարուն է արդեն,
Բոլորը թափվել են փողոց.
Լսո՞ւմ եք անուշ մի զնգոց —
Գիտե՞ք, որ գարուն է արդեն:
Դյութում են շրթերը վարդե,
Սրտերը կրակ են ու բոց —
Գիտե՞ք, որ գարուն է արդեն,
Բոլորը թափվել են փողոց:
*
Գարունը սիրտ է հուզում — հուր ու հրդեհ է վառել,
Ջինջ օրերի երազում — հուր ու հրդեհ է վառել:
Փռել է բույր ու շշուկ ու զարկել է ծիածան`
Հորիզոնից-հորիզոն հուր ու հրդեհ է վառել:
Գարնան բույրի պես անուշ՝ անմխիթար իմ հոգում
Այսօր թովիչ քո լեզուն հուր ու հրդեհ է վառել:
Դու եկել ես գարնան պես ու զարկել ես ծիածան.
Սիրտդ իմ սիրտն է ուզում — հուր ու հրդեհ է վառել:
Առաջադրանքները.
- Առաջին բանաստեղծությունից բացատրիր դյութել, վարդե շրթեր, կրակ սրտեր բառերն ու արտահայտությունները:
- Երկրորդ բանաստեղծությունից բացատրիր ջինջ օրեր, թովիչ լեզու արտահայտությունները:
- Նկարագրիր երկու բանաստեղծությունների գարունները, համեմատիր (նմանություններ, տարբերություններ). ո՞ր գարունը քեզ դուր եկավ, ինչու:
- Ընտրիր դասական որևէ երաժշտություն, որի նվագակցությամբ պատկերացնում ես այս բանաստեղծությունների ընթերցումը:
Կարդալ բանաստեղծությունը և կատարել առաջադրանքները.
Կազմել հետևյալ բառերի հոմանիշների եռյակ — հիվանդ, խելագար, երազել, գունատ, տենչալ:
Ի՞նչն էր քնարական հերոսի հիվանդ, խելագար լինելու պատճառը:
Ինչու՞ էր երազում արևի ոսկու մասին, արևը ինչպե՞ս կարող է փրկել — բացատրիր փոխաբերական իմաստը:
Խոսքեր չկային, ու արև չկար … — ամենադժվար պահերին որտե՞ղ է պետք փնտրել արև, ինչպե՞ս (ստեղծագործական աշխատանք):
Լրացուցիչ առաջադրանք
Պարզեք գազել-բանաստեղծության առանձնահատկությունները և Ե.Չարենցի գազելներից մի օրինակով ցույց տվեք դրանք:
Կարդացեք Եղիշե Չարենցի գազելները, ընտրեք հինգ գազել, որտեղ առկա է կապույտ գույնը, դրանց միջոցով փորձեք բացատրել, թե Կապույտ ասելով՝ ի՞նչ ի նկատի ունի բանաստեղծը, ի՞նչ է տեսնում այդ գույնի մեջ:
Ձեր առանձնացրած գազելներից մեկը սովորեք անգիր: Ճաշակով տեսանյութ պատրաստելու դեպքում՝ 10 միավոր:
Հասմիկ Թոփչյան 