«Գիրք ծաղկանց»
Մաշի ձեռս, դառնա ի հող,
Գիրս մնա հիշատկող։
(Միջնադարյան)
Պատմվածքը ներբեռնել այստեղից. Գիրք ծաղկանց:
Կարդալ պատմվածքի առաջին հատվածը (մինչև … փոքրիկ Զվարթը):
- Դուրս գրիր անծանոթ բառերը և բառարանի օգնությամբ բացատրիր դրանք:
- Բնութագրիր Զվարթին:
- Բնութագրիր հասարակությանը, որտեղ ապրում էր Զվարթը:
- Ի՞նչ հակասություն կար նրանց միջև (ցույց տուր մեջբերումներով), որն էր դրա պատճառը: Դու բնակա՞ն ես համարում այդ հակասությունը. ինչու՞:
Կարդալ պատմվածքի երկրորդ հատվածը (մինչև … ու անդունդների նիշերով):
- Ինչպե՞ս կբացատրես վանահոր հասցեին ասված այս արտահայտությունը՝ նա «հոգևորաց» չէ, այլ «մարմնավորաց» է: Ինչո՞վ էր նա տարբերվում մյուս վանականներից:
- Կարո՞ղ ես արևելահայերեն դարձնել (թեկուզ՝ մոտավոր) վանահոր խոսքերը. Կառուցումն է աշխարհն և աշխատք շինողական… Կառուցումն է քաղաքն, կառուցումն՝ խոսքն, կառուցումն՝ միտք… Աշխատ առնե բնությունն, կառուցանե ծառն, շինարարն մրջյունն։ Եղեք և դուք կառուցողք և շինարարք, որպես մարդիկք երկրի, սիրեցեք աշխատք, զի կառուցումն և աշխատք սուրբ են… Չքանա բռնություն, փոշիանան գահք և թագավորությունք և մնա շինարարն:
- Քո կարծիքով կառուցելն ինչու՞ է ամեն ինչից վեր դասում, իսկ դու ինչքա՞նով ես քեզ կառուցող համարում, ինչ ես «կառուցում»:
Կարդալ պատմվածքի երրորդ հատվածը (մինչև … թաղեցին քարե գաղտնարանում):
- Դուրս գրել անհասկանալի բառերը և բացատրել բառարանի օգնությամբ:
- Ինչ էր փորձում քարոզել Զվարթը:
- Ինչու՞ է նախանձը, սահմանափակը փորձում միշտ փակել Սիրո ճանապարհը:
Կարդալ պատմվածքը մինչև վերջ:
- Ի՞նչ են խորհրդանշում ծաղիկները Զվարթի գրքում:
- Թվարկիր, թե ըստ պատմվածքի, գիրքը ի՞նչ դեր կարող է կատարել մարդու կյանքում: Ո՞րի հետ ես դու համաձայն.ինչու՞:
- Մեկնաբանիր վերնագիրը:
Հասմիկ Թոփչյան 