Ով է ապրում — էջ 225
- Կարդալ լեգենդը:
- Բացատրել հետևյալ բառերը. փառատենչ, կռվազան, ստվար, զետեղել, ամրակուռ, լայնանիստ, հարկավ, մտահույզ, հյուղակ, ցուպ, խորշոմած, դեգերել, հաղթապանծ, կեղեքված, հարստահարող, ոճիր, խշտի, պատսպարել, ունայն, հետիոտն:
- Գրիր քո կարծիքը այս մտքի վերաբերյալ — Ուրիշի համար ապրողն է ապրում:Որովհետև կյանքի իմաստը ուրիշի համար ապրելու մեջ է:
- Ես բախտավոր եմ, ես ապրում եմ հիմա: — Համաձա՞յն ես իշխանի հետ, ինչու՞:
- Ստեղծագործական աշխատանք — Ես ապրում եմ, որովհետև …
Երգի հրապույրը (էջ 16)
- Բառային աշխատանք — հրապույր, բյուրազան, անգութ, անձավ, ծածուկ, հոգեվարք, թալիկ-թալիկ գալ, հոգեգրավ, հորդել, ցայտել, դյութական, չարքաշ, տնանկ, անտերունչ, ապարանք, վշտահար:
- Եվ երբ տեսնես, որ նրանց աչքերը արցունքով լցվեցին, իմացիր, որ քարը սիրտ դարձավ: — Լաց լինելը սիրտ ունենալու նշա՞ն է արդյոք. ինչու՞:
- Երգի միջոցով հալվեցին քար-սրտերը: — Հնարավո՞ր է երգով ազդել մարդու վրա. ինչպե՞ս:
- Ունկնդրում — ստեղծագործական աշխատանք:
Ուշինարա — էջ 218
- Կարդալ լեգենդը
- Բացատրել հետևյալ բառերը. ապաստան, դեգերել, մահապուրծ, ընկճել, հռչակ, թախանձել, սրտահոժար, ձեղուն, փերթ, առաքինություն:
- Իմ առաջին պարտքն է — չհանձնել ինձ հավատացող արարածին իրեն հոշոտող թշնամուն: — Արդյո՞ք պարտավոր եք պաշտպանել յուրաքանչյուրին, ով կդիմի և կհավատա ձեզ (այո՝ ինչու, ոչ՝ ինչու):
- Պարտքի սրբություն — ինչպե՞ս ես հասկանում այս բառակապակցությունը, քեզ համար այն սկզբու՞նք է, թե՝ ոչ, գնահատիր շրջապատդ այս տեսանկյունից (որքանո՞վ է այն կիրառվում մեր հասարակությունում): Արդյո՞ք պարտքի զգացումը պիտի հասնի մինչև ինքնազոհություն: Որտե՞ղ է պարտքի զգացումի և ինքնասիրության քո սահմանը:
Երջանկության իմաստը — էջ 44
- Կարդալ լեգենդը
- Բացատրել հետևյալ բառերը. արևառ, աներեր, ցուպ, տատասկ, սրունք, գոցված (գոց), շեղջ, խանձուր, ապարանք, բարձրաբարբառ, ակնապիշ, թանձրանալ, բարկ, անհագ, տարփել, ըղձալ, անքթիթ:
- Մեկնաբանիր այս միտքը — չպետք է զգալ, չպետք է խորհել, չպետք է կամենալ, այլ միայն քարանա՜լ, քարանա՜լ, քարանա՜լ…
- Գտիր ասույթներ երջանկության մասին, ներկայացրու դրանք նյութի, պրեզենտացիայի կամ ձայնագրության տեսքով (ընկերներից, հարազատներից, ծանոթներից երջանկության բանաձևեր հավաքել, ձայնագրել կամ տեսագրել, քննարկում կազմակերպել):
Ամենապիտանի բանը — էջ 257
- Դուրս գրել անծանոթ բառերը և գրել դրանց բացատրությունը բառարանի օգնությամբ:
- Եթե դու լինեիր հոր փոխարեն, ո՞րը կընտրեիր, ինչու՞:
- Եթե դու լինեիր տղաներից մեկի փոխարեն, ինչո՞վ կլցնեիր ամբարը, ինչու՞:
Կարդալ «Այդ ոչինչը ես եմ» առակը (էջ 253), հետո դիտել տեսանյութը — կարո՞ղ ես համեմատել:
3-5 նախադասությամբ փոխադրիր առակը:
- դերվիշի պատասխանը
…ինձ դուր եկավ, որովհետև…
…ինձ դուր չեկավ, որովհետև…
- բնութագրիր քաղաքապետին և դերվիշին՝ հիմնավորելով պատասխանդ:
- որ հատվածից կփոխես առակի սյուժեն և ինչպես:
Լրացուցիչ առաջադրանքներ
- կարդալ Ավ.Իսահակյանի առակներից ևս մի քանիսը (5-7 առակ նույն գրքից)
- առակներից դուրս բերել այն խրատները, որոնց դու հետևում ես և որոնց ընդհանրապես չես հետևում (բեր օրինակներ):
Նախագծային աշխատանք — ռադիոթատրոն:
***
Կենսական ծովի հույզերի միջին
Ես ժայռի նման կանգնած եմ ամուր.
Կայծակն է զարկում իմ վես ճակատին,
Ես ժայռի նման կանգնած եմ ամուր:
Հողմ ու փոթորիկ շուրջըս են հածում,
Ես ժայռի նման կանգնած եմ ամուր:
Գոռ ալիքները կուրծքս են ծեծում,
Ես ժայռի նման կանգնած եմ ամուր:
Ինձնի՛ց բռնեցեք, խորտակվող մարդիկ,
Ես ժայռի նման կանգնած եմ ամուր,
Ձեր խարիսխները ոտքիս տակ ձգեք,
Ես ժայռի նման կանգնած եմ ամուր:
***
Շղարշ-ամպերն երկինքն առան,
Լուսնակն անդորր կշողա,
Լռիկ ճահճում հարհանդ-մարմանդ,
Նուրբ եղեգը կդողա:
Արագիլը՝ մենակ ու լուռ,
Եղեգնի մոտ կքայլե.
Կմտորե՝ խոր ու տխուր,
Ճահիճն աղոտ կփայլե:
Մռայլ ափին մենակ նստած՝
Սիրտս անուշ կթախծի.
Եվ անուրջում միտքս թաղված՝
Քունն աչերիս կհանգչի…
***
Ապրում եմ մենակ, մարդկանց մեջ օտար,
Նրանց աչքերը ինձ չեն ողջունում.
Մարդկանց սըրտերը փակ են ինձ համար,
Եվ նրանց հոգին ձայնըս չի լսում…
Իմ ընկերները — իմ խոր մըտքերն են,
Որ վեհ թևերով անհունն են պատում.
Այն վառ աստղերը — գըթոտ աչքերն են,
Որ վըշտիս ժամին ինձ քաղցր են ժպտում…
Արդյունքներ՝
Արղության Գոհար — 1, 2, 3, 4, 5, 6
Նարեկ Արշակյան — 1